07/06/2014 15:26:48

Sms-ja e fundit e Gea Sport. Grabova: Ja raporti me Grimen

Zbardhet sms-js e fundit që shpall largimin e grupit zviceran Gea Sport SA nga gara për drejtimin e Vllaznis. Ndërkohë përfaqësuesi ligjor i grupit zviceran Gea Sport SA avokati Ardian Grabova flet mbi raportin me drejtorin sportiv Grima

HermesNews - Gea Sport tërhiqet nga gara për të marrë drejtimin e ekipit shkodran. Gjithçka është zbardhur me një postim në rrjetin social Facebook nga presidenti i grupit zviceran Gea Sport SA z.Nava.

Ndërkohë HermesNews.Org ka arritur të zbulojë dhe sms-në e fundit dërguar nga përfaqësuesi ligjor i grupit zviceran avokati Ardian Grabova ku ai lajmëron tërheqjen e Gea Sport Sa nga kjo garë jo e ndershme ku edhe po dëmtohet imazhi i grupit.

Më poshtë sms-ja e plotë drejtuar krybashkiakut z.Luka: "Zoti kryetar, ju lutem pas gjithfarlloj makinacionesh që po bëhen ndaj GEA SPORT IMOBILIARE SH A LUGANO në prekjen e dëmtimin e imazhit. Kjo kompani ju ka dorëzuar një projekt serioz në Bashkinë Shkodër për menaxhimin e klubit të madh VLLAZNIA. Unë në tagrin e përfaqësuesit, ju deklaroj se në këtë situatë zvaritjeje në infinit, se: GEA SPORT IMOBILIARE S.A. LUGANO ZVICER nuk është më e interesuar në këtë marëdhënie ku nuk ka transparencë. Përfaqësuesi ARDIAN GRABOVA.

Avv.Grabova ja e vërteta e raportit me Grimën

Ndërkohë avokat Grabova përfaqësuesi ligjor i grupit zviceran Gea Sport SA nuk ka lënë pa sqaruar edhe njëherë për të gjithë raportin e tij me drejtorin sportiv të klubit z.Grima.

Grabova deklaron se raportet mes tij dhe Grimës janë mëse normale saqë ai është habitur për një intervistë të tij lëshuar për mediat, dhe nuk ka harruar të preçizojë edhe faktin që vetë Grima është shprehur me superlativa për grupin zviceran.

Ja si u shpreh Grabova: "Në lidhje me intervistën e dhënë nga zoti Grima për një diskutim në rrjetet sociale ku përmendet emri tij, dua t'ju them që habitem pasi ne përfaqësuesit e GEA SPORT ALBANIA, kemi marrëdhënie të mira, biles dje në Supersport e në median lokale të qytetit të Shkodres z Grima ka thurur elozhe dhe se e mirëpret këtë kompani zvicerane për Vllazninë. Dua të theksojë se në një intervistë në një tv lokal të Shkodrës u shfaqëm së bashku."

Grabova thekson dhe faktin që për merkaton e ekipit shkodran kur po diskutohej për ndonjë lojtarë me autorizimin e grupit zviceran ai i ka kërkuar Z. Grima që të vihet në kontakt së bashku me Vucajn për të mësuar kërkesat e lojtarit e për të parashtruar kërkesat e klubit.

Ja si u shpreh Grabova: "Po ashtu dua të them që dhe lojtari psh si Vucaj e ftuam dhe biseduam së bashku për të kuptuar e njohur idenë e dëshirat e lojtarit, të cilin unë e vlerësoj shumë, por i autorizuar nga drejtues të kompanise zviceriane e njoha atë për interesimin e tyre. Ky takim është zhvilluar në bar "Idromeno" në oborr të bashkisë në prezencë të të gjithëve në atë bar. "

Në përfundim të deklaratës z.Grabova u shpreh i gatshëm që të pasqyrojë për mediat edhe sms-të e shkëmbyer ndërmjet tyre: "Kështu që jam habitur sot me lajmin tuaj marrë nga z. Grima, e pasi i telefonova ai më sqaroi që ishte i shqetësuar me komentet në rrjetin social Facebook, ku dhe e kanë ofenduar disa tifozë. Më shprehu miqësinë e respektin reciprok, ku më dërgoj dhe sms ku më thotë unë me Ardian Grabovan nuk kam asgjë. Gjithashtu gjatë ditës kemi komunikuar pa asnjë problem midis nesh sot. Por z.GRIMA e di që unë jam edhe ortaku i z.Nava kështu që une spo kuptoj qëndrimin e tij të dyfishtë. Në qoftëse do të duhet unë disponoj edhe sms e z.Grima në cel në numrat tanë me kontratë", përfundon prononcimi për HermesNews.


* Hermesnews©AllRightsReserved
Çdo riprodhim i paautorizuar ndëshkohet sipas ligjeve në fuqi

Arbër Mecenovi

Dërgo me email | Stampo artikullin